Dam badam

Dam badam aankhon se apni mai pilaye dam badam
Dam badam mera sanam pehlu mein aaye dam badam

Yeh nazaakat nargisi yeh nit-naye nakhre tere
Dam badam woh rooth jaye maan jaye dam badam

Shaakho’n pe baithi kali jaisi teri dosheezgi
Dam badam shabnam nahaaye muskuraye dam badam

Dil pe dastak de gayien dast-e-hena se dilbaraa’n
Dam badam nazdeek aaye door jaye dam badam

Tu nadi, taalaab, dariya, dasht-o-sehra ki ummeed
Dam badam zulfein teri saavan lutaye dam badam