Dhoke hi khaaye hain auro’n pe bharosa kar ke

Dhoke hi khaaye hain auro’n pe bharosa kar ke 
Kaante hi haath lage beej ko pauda kar ke

Jism se jhadti huwi rait uthaane waalo’n
Kya milega tumhe’n iss rait ka sauda kar ke

Maine sehra mein bhi shabnam se ta’alluq na rakha
Aur tum doob gaye koze ko dariya kar ke

Shola-e-ishq se jab khaak khaak munavvar ho to
Noor phir rahta nahin khaak se parda kar ke

Muntazir hoon main qayamat hi macha de saaqi 
Kyun darata hai hame’n roz tamasha kar ke